Umcabango wathumela isintu enyangeni <br />Iqhelelene kangakanani iFuji, ne Tafula <br />Uma nginethuba lokuthi ngizikhethele <br />Ngingakhetha ukuphila isikhashana maqede <br />Ngishone, kunokuthi ngingaphili kwa nhlobo <br />Yingakho ngingena kuzisola ngokuthanda isihambi <br />Ngawe ngisangane ngikugijimise okwenkukhu <br />Inqunywe ikhanda, angiyenqenanga ingozi <br />Yeqiniso engangilazi kahle hle <br />Iqiniso lokuthi isikhathi esasikusondeze kimi <br />Yiso kanye esasiyokuntshontsha futhi <br />Sikuntshontshe ngoku phazima kweso <br />Ukuphupha ngawe emini kungisondeza kuwe <br />Ngokusondela okwedlula lokho okomzimba <br />Ukudlondlobala kothando kuyamangalisa <br />Induku enhle igawulwa ezizweni kusho isiZulu <br />Sasendulo, kanjalo ngiyakholelwa ekutheni <br />Wena uyiyo kanye leyo nduku enhle (yasezizweni) <br />Uthando lunginike amalungelo okuthi ngiphuphe emini <br />Amalungelo okucabanga lokho okungaphezu kwamandla <br />Ngibuye ngikholelwe yikho nge sibindi nango gqozi <br />Ngakhoke tshela mina, ngitshele kahle, ngitshelisise <br />Iqhelelene kangakanani iFuji, ne Tafula?<br /><br />LLM Mbatha<br /><br />http://www.poemhunter.com/poem/zulu-inkondlo-ifuji-ne-tafula/
